5. janúar 2009

5. janúar lentu ferðalangarnir í Mendoza og tékkuðu sig inná hótelið.  Þau hittu leiðsögumennina  frá INKA expediciones og ferðafélaga sem komu frá ýmsum löndum.  Farið var vel yfir allan búnaðinn og honum skipt niður.  Það er ákveðin þolinmæði og tækni sem þarf til að pakka og skipta dóti milli poka.  Engu má gleyma og hafa þarf rétt dót í réttum poka.  Í bakpokann fer það sem  nota á yfir daginn, múldýrin taka hluta af  dótinu og annað er skilið eftir, eins og betri klæðnaðurinn og rakdót karlmannanna.

Matur er innifalinn í ferðinni en auðvitað var með harðfiskur, nokkur prince polo svona til hátíðarbrigða, lýsi og nokkrar flöskur af vatni úr vatnsverksmiðjunni í Ölfusinu.

Athugasemdir

[Þórarinn M Friðgeirsson, 6.1.2009 kl. 10:18]

Gangi ykkur allt í haginn og í versta falli ef þið verðið svöng má éta helv. múldýrin hehe nei bara grín. Góða skemmtun við að klífa "hólinn" kv. Þórarinn

[Jónína Ingólfsdóttir (IP-tala skráð) 6.1.2009 kl. 16:11]

Engar rúsínur?

[Þórarinn M Friðgeirsson, 6.1.2009 kl. 16:20]

Það kæmi mér verulega á óvart ef ekki leyndist eins og einn rúsínupakki í farangrinum.

[Margrét K. Erlingsdóttir (IP-tala skráð) 6.1.2009 kl. 17:33]

Góða ferð og gangi ykkur vel.  Spennandi  að fylgjast með ferðalaginu.  Sendum góðar vættir frá klakanum til ykkar allra.

[Hjördís Hilmarsdóttir (IP-tala skráð) 7.1.2009 kl. 08:01]

Jæja þá eru þið lögð af stað, hlakka til að fylgjast með ykkur. Þetta verður töff en örugglega mjög spennandi.

[Harri Ormarsson (IP-tala skráð) 7.1.2009 kl. 10:58]

Ingólfur minn, ef þú finnur grábrúna vettlinga á toppnum. Þá á ég þá!

gangi ykkur vel.