4. janúar 2009.

Þann 4. janúar 2009 héldu þau Bragi Ragnarsson, Ingólfur Gissurarson, Ólafur Áki Ragnarsson og Sigríður Lóa Jónsdóttir af stað áleiðis til Mendoza í Argentínu.  Markmiðið er að klífa hæsta fjall Suður Ameríku, Aconcagua 6.962 metra að hæð.  Gengin verður svokölluð Normal Route leið á norðvesturhlíð fjallsins.

Það var á vordögum sem ákvörðun var tekin um að stefna á Aconcagua í janúar.  Göngumenn hafa í gegnum árin stundað útiveru, gengið á fjöll innanlands- og erlendis. 

Undirbúningur að því að  klífa Aconcagua hefur staðið í um 10 mánuði.  Hann hefur falist m.a. í fjallaferðum, hlaupum, æfingum í líkamsræktarstöðvum og fleiru.  Undirbúningurinn felst í því að koma sér í gott líkamlegt form og ekki síst að vera í góðu andlegu jafnvægi, þegar haldið er af stað. 

Mikið reynir á göngumenn andlega við erfiðar aðstæður s.s. kulda en reikna má með að síðustu dagana verði um - 30° frost á svæðinu.  Hæðarveiki getur þjakað göngumenn í háfjallaklifri.  Einn fylgifiska þess að stunda háfjallaklifur er hættan á hæðarveiki.  Í vægustu tilfellum veikinnar verða menn varir við höfuðverk, en alvarlegra ástand er hin eiginlega hæðarveiki sem er lungna- og heilabjúgur, sem hvort tveggja er banvænt.

Athugasemdir

[Fjóla Björnsdóttir, 5.1.2009 kl. 20:31]

Ágætu ferðafélagar:

Það er stundum skondið hvað ísland er lítið og hvað maður þekkir marga sem maður vissi svo ekki að þekktust innbyrðis.

Af ykkur fjórum þá hef ég kynnst þremur ykkar einhvern tíman á lífsleiðinni.

Ingólf þekki ég af Skaganum frá því í denn.  Vorum samtíða í sundfélaginu.  Ég var 9 ára og hann var trúlega 17 ára. Man trúlega ekkert eftir mér.  Hann er einnig náfrændi æsku vinkonu minnar,  hennar  Millu.

Ólaf Áka kynnist ég á Djúpavogi þegar ég bjó þar í 2 ár.  Þá var hann reyndar farinn til þorlákshafnar en kom oft við enda frændgarðurinn stór.  Móðurbróðir hennar Drafnar Freysdóttur, vinkonu minnar.

Með Braga átti ég góðan dag í La Paz, Bólivíu í nóv. sl.  Höfum verið í góðu sambandi síðan.

Og Sigríður Lóa, vonandi kynnumst við einhverntíma.

Megi þið öll eiga góða og ánægjulega ferð.  Verst að þig komið ekki við hjá mér.

Bestu Kveðjur.