Aconcagua vísur

Hér koma á eftir vísur sem Bragi samdi í ferðinni.

Aconcagua vísur

Örkum hérna upp í mót,
Óli, Golli og Bragi.
Einnig Sigga orkusnót
og allt í fína lagi.

Prílum við í Paradís,
Prúð og sæl um slóðir kunnar
Gnæfa klettar, krýndir ís,
kynjamyndir náttúrunnar.

Við oss blasir fjallið frítt,
fönnum skrýtt – það togar.
og við öndum ótt og títt
af oss svitinn bogar.

Frár og mesti fjörkálfur
flytur grín úr sínum munni.
Eftirherman Ingólfur
uppi heldur stemmingunni.

Fjöllin heilla falleg öll –
fjöll eru hennar ær og kýr-
Sigga Lóa sjarmatröll
seiglu og krafti yfir býr.

Óli Bæjó ýmsan tind
áður klifið hefur,
eins og hann hafi enga þind;
af sér mikið gefur.

Síðast nefni, sístan þó,
sjálfan vísnarefinn.
Enda komið alveg nóg
og hann Bragi uppgefinn.

BR

Athugasemdir

[Hjördís (IP-tala skráð) 26.1.2009 kl. 17:09]

Frábærar vísur Bragi og flottar myndir. Bestu kveðjur. Hjördís

[Saemi (IP-tala skráð) 30.1.2009 kl. 23:01]

Flott visa Bragi.