8. janúar

Plaza Francia 

Dagurinn í dag fer í göngu upp til Plaza Francia sem er um 5 klst. í 4.200 m. hæð og aftur til Confluencia.  Allir eru hressir og Queen tónlistin frá iPod heldur góðum takti hjá okkur.

Veðurspáin

 

Fréttir af ferðalöngunum....

Ég fékk fréttir frá ferðalöngunum áðan.  Allt gengur vel hjá þeim. Þau eru á leið til Confluencia í 3500 m. og koma þangað í kvöld.

7. janúar 2009

Í dag var áætlað að fara eftir morgunmat og aka til Horcones Lake, skrá sig inná svæðið og ganga upp til Confluencia, 3.500 m.  Í 3.500 metrum er farið að finna vel fyrir hæðinni, enda verður stoppað einn aukadag og tíminn nýttur til að ganga upp í Plaza Francia sem er í 4.200 m. hæð og aftur niður.  Frá Plaza Francia er frábært útsýni á suðurhlið Aconcagua.  Töluvert er af fólki og tjöldum á þessu svæði.


Horcones - Confluencia

6. janúar 2009.

Ekki höfum við heyrt neitt af ferðalöngunum okkar, en treystum á að þau haldi áætlun.  Gert var ráð fyrir að í gær 6. janúar yrði ekið frá Mendoza til Penitentes Mountain Inn, 180 km. (2.700 m).  Gist yrði þar.

5. janúar 2009

5. janúar lentu ferðalangarnir í Mendoza og tékkuðu sig inná hótelið.  Þau hittu leiðsögumennina  frá INKA expediciones og ferðafélaga sem komu frá ýmsum löndum.  Farið var vel yfir allan búnaðinn og honum skipt niður.  Það er ákveðin þolinmæði og tækni sem þarf til að pakka og skipta dóti milli poka.  Engu má gleyma og hafa þarf rétt dót í réttum poka.  Í bakpokann fer það sem  nota á yfir daginn, múldýrin taka hluta af  dótinu og annað er skilið eftir, eins og betri klæðnaðurinn og rakdót karlmannanna.

Matur er innifalinn í ferðinni en auðvitað var með harðfiskur, nokkur prince polo svona til hátíðarbrigða, lýsi og nokkrar flöskur af vatni úr vatnsverksmiðjunni í Ölfusinu.

4. janúar 2009.

Þann 4. janúar 2009 héldu þau Bragi Ragnarsson, Ingólfur Gissurarson, Ólafur Áki Ragnarsson og Sigríður Lóa Jónsdóttir af stað áleiðis til Mendoza í Argentínu.  Markmiðið er að klífa hæsta fjall Suður Ameríku, Aconcagua 6.962 metra að hæð.  Gengin verður svokölluð Normal Route leið á norðvesturhlíð fjallsins.

Það var á vordögum sem ákvörðun var tekin um að stefna á Aconcagua í janúar.  Göngumenn hafa í gegnum árin stundað útiveru, gengið á fjöll innanlands- og erlendis. 

Undirbúningur að því að  klífa Aconcagua hefur staðið í um 10 mánuði.  Hann hefur falist m.a. í fjallaferðum, hlaupum, æfingum í líkamsræktarstöðvum og fleiru.  Undirbúningurinn felst í því að koma sér í gott líkamlegt form og ekki síst að vera í góðu andlegu jafnvægi, þegar haldið er af stað. 

Mikið reynir á göngumenn andlega við erfiðar aðstæður s.s. kulda en reikna má með að síðustu dagana verði um - 30° frost á svæðinu.  Hæðarveiki getur þjakað göngumenn í háfjallaklifri.  Einn fylgifiska þess að stunda háfjallaklifur er hættan á hæðarveiki.  Í vægustu tilfellum veikinnar verða menn varir við höfuðverk, en alvarlegra ástand er hin eiginlega hæðarveiki sem er lungna- og heilabjúgur, sem hvort tveggja er banvænt.

Aconcagua

Hæsta fjall Suður Ameríku 6.962 metrar

 

Hæsta fjall í heimi, utan Asíu.
"Everest áhugamannsins".

Gengið verður "Normal Route"
á norðvesturhlíð fjallsins.



Göngumenn:

Bragi Ragnarsson

Ingólfur Gissurarson

Ólafur Áki Ragnarsson

Sigríður Lóa Jónsdóttir


Ferðaáætlun Aconcagua, 4. - 23. janúar 2009.

Dagur 1: 4. jan. Flug frá Íslandi Flogið frá Keflavík kl.17:05. Lent í New York
Flogið frá NY lent 5.jan á Ministro Pistarini International Airport í nágrenni Buenos Aries.            

Dagur 2;  5. jan.  Lent í Mendoza kl. 18:15  Transfer to Hotel.  Gear check.  Group meeting and introductions.   Dinner at Parillada.         

Dagur 3;  6. jan. Ekið frá Mendoza til Penitentes Mountain Inn, 180 km (2.700 m)  Organize mule loads and overnight stay.              

Dagur 4;  7. jan. Transfer frá Penitentes til Puente de Inca.  Og síðan ekið til Horcones Lake. Checkin permits at Ranger Station og svo gengið upp til Confluencia, 3.500 m.  Dinner and overnight þar.  Múldýrin fara frá Puente de Inca til Confluencia og síðan áfram til Plaza de Mulas, en hægt er að komast í farangurinn í Confluencia.  (Þ.e. aðeins er gengið með dagpoka þessa fyrstu daga).            

Dagur 5;  8. jan.  Dagurinn fer í göngu upp til Plaza Francia (5 hrs 4.200 m) og aftur Confluencia.

 Dagur 6; 9. jan.  Gengið upp til Plaza de Mulas (4.250 m).           

Dagur 7; 10. jan  Hvíldardagur í Plaza de Mulas.              

Dagur 8; 11. jan   Farangur borinn upp í Camp I (Plaza Canada, 5.050 m) og/eða  Camp II (Nido de Condores, 5.550m) og farið aftur niður í Plaza de Mulas.

•Dagur 9; 12. jan    Sama og 11. jan. og undirbúningur fyrir uppgönguna.

•Dagur 10; 13. jan    Hvíldardagur eða færa sig upp í Camp I – Plaza de Canada, 5.050 m

•Dagur 11; 14. jan   Færsla upp í Camp II – Nido de Condores, 5.550

•Dagur 12; 15. jan   Færsla upp í Camp III – Refigio Berlin (Camp Colera), 6.000 m

•Dagur 13; 16. jan   Summit day (6.962 m).  Independencia 6.500m og La Canaleta og Guanaco Ridge    upp á toppinn.  Svo farið niður í búðir III.

  

•Dagur 14 og 15; 17. og 18. jan.  Aukadagar ef veður er ekki hagstætt.  Aukadagarnir er ekki

•endilega    teknir síðasta daginn, gæti verið stungið inn í einhvern daganna þar á undan.

•Dagur 16; 19 jan.   Gengið úr búðum III niður í Base Camp.

•Dagur 17; 20. jan.   Gengið frá Base Camp til Penitentes og ekið þaðan til baka til Mendoza.

•Dagur 18; 21. jan   Akstur á flugvöll.  Flug bókað frá Mendoza kl. 14:05 þann 21. janúar.

•Dagur 19 og 20; 22. og 23. jan. Flug frá NY til Íslands lent í Keflavík kl 06:45 þann 23.janúar